Падалешнік (грыб)

Падалешнік
Навуковая класіфікацыя
прамежныя рангі Дамен:  Эўкарыёты Царства:  Грыбы Падцарства:  Вышэйшыя грыбы Аддзел:  Базідыяльныя грыбы Пададдзел:  Agaricomycotina Клас:  Агарыкаміцэты Падклас:  Agaricomycetidae Парадак:  Балетавыя Падпарадак:  Paxilineae Сямейства:  Свінухавыя Род:  Гірадон Від:  Падалешнік
Міжнародная навуковая назва
Gyrodon lividus (Bull.) Fr., 1838
Сінонімы
Boletus brachyporus Pers., 1825 Boletus chrysenteron var. lividus (Bull.) Mérat, 1821 Boletus lividus Bull., 1791 Boletus sistotrema Fr., 1815 Boletus sistotremoides Fr., 1815 Cladomeris sistotrema (Fr.) Bigeard & H. Guill., 1909 Gyrodon sistotrema (Fr.) P. Karst., 1899 Gyrodon sistotrema var. brachyporus (W.G. Sm.) Rea, 1922 Gyrodon sistotrema var. sistotrema (Fr.) P. Karst., 1899 Gyrodon sistotremoides Opat., 1836 Uloporus lividus (Bull.) Quél., 1886 Uloporus sistotrema (Fr.) Quél.
Выявы на Вікісховішчы NCBI   85971 EOL   1029724 MB   164515

Падале́шнік, падальховік (Gyrodon lividus) — шапкавы базідыяльны грыб сямейства Свінухавыя (Paxillaceae).

Апісанне

Пладовае цела грыба — шапка на ножцы. Шапка дыяметрам 3—10 (да 20) см, пляската-пукатая, потым пляскатая, з вострым краем, аксаміцістая, тонка-шаўкавістая або амаль гладкая, сухая, у вільготнае надвор’е клейкая, пясчана-жоўтая, пазней іржава-карычняватая. Мякаць бледна-жоўтая, на зломе сінее, потым бурэе. Гіменафор трубчасты, жаўтаваты, пазней зеленавата-жоўты, пры націсканні сінее, потым бурэе. Трубачкі кароткія, э вуглаватымі лабірынтападобнымі порамі. Ножка вышынёй 3—9 см, патоўшчаная ўверсе, часта выгнутая, мучністая, з узростам гладкая, амаль аднаго колеру з шапкай. Споравы парашок вохрыста-аліўкавы.

Пашырэнне

Пашыраны ў Еўропе. Расце групамі ў светлых лясах, пераважна пад алешынай, на глебе, зрэдку на пнях у жніўні—кастрычніку.

Ядомы ў маладым узросце.

Літаратура

• Падале́шнік // Энцыклапедыя прыроды Беларусі. У 5-і т. Т. 4. Недалька — Стаўраліт / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1985. — С. 57. — 599 с., іл. — 10 000 экз.
• Gyrodon lividus (Bull.) Sacc., Падальховік // Флора Беларуси. Грибы. В 7 т. Т. 1. Boletales. Amanitales. Russulales / О. С. Гапиенко, Я. А. Шапорова; под ред. В. И. Парфёнова. — Мн.: Беларуская навука, 2012. — С. 71, 214. — 199 с.: ил. — 700 экз. — ISBN 978-985-08-1458-6, ISBN 978-985-08-1482-1 (т. 1).